一般查詢
Citi Plus係乜嘢?
Citi Plus係一種全新嘅手機銀行體驗,令您可以儲多啲、投資Pro啲、畀您隨心消費之餘,仲可以順手賺埋獎賞。
Citi Plus戶口有冇最低結餘嘅要求?
放心,為咗畀您更大嘅理財自由,Citi Plus係無最低結餘嘅要求㗎。
Citi Plus 而家有無迎新優惠?
新客戶可以同朋友Team up開戶,一齊賺高達6%額外儲蓄年利率,睇一睇了解多啲
我點先可以享有迎新優惠?
必須係新客戶(過去 12 個月未係Citi客戶或者喺 12 個月內無取消過Citi嘅銀行服務) 新客戶喺發卡後頭3個月內成功獲批正常信用額及累積認可簽賬滿HK$10,000或以上先可享Citi Plus 信用卡迎新優惠。
開立賬戶 – 申請資格
乜嘢人有資格申請Citi Plus戶口?
只要符合下面嘅條件,您就可以開Citi Plus戶口: • 持有香港永久居民身份證 • 居住喺香港,同時有香港永久住址 • 年齢介乎18至64歲
我可唔可以開聯名嘅Citi Plus戶口?
唔好意思,Citi Plus暫時未有聯名戶口。提提您,Citi Plus 只提供個人理財銀行服務。如果您現時喺Citibank持有其他聯名戶口,開立Citi Plus 戶口後將不能使用該服務。
開立賬戶 – 程序
開Citi Plus戶口我需要準備啲乜?
您嘅香港身份證、住址證明同埋一張可以畀您簽名嘅白紙。
開戶嘅過程要幾耐?
我哋測試過最快10 分鐘就可以完成晒開戶嘅手續。
開Citi Plus戶口有咩步驟?
填Form,Selfie同上載文件就可以喇。記得填Form時確保資料正確,過咗版面就冇得改返轉頭。
透過呢個開戶程序,我會開咗乜嘢戶口?
透過呢個開戶程序,您會開咗Citi 利息Booster同綜合貨幣戶口。如果您想享用埋投資服務,之後您只要喺Citi Mobile App入面嘅「財富管理」頁面撳幾下就可以開立投資戶口。
我需要上載任何文件嗎?
需要,喺Citi Mobile App嘅申請程序中會要求您上載住址證明同簽署式樣。如果我哋需要向您拎任何額外資料或文件,我哋會聯絡您去繼續開戶程序。
點解需要上載住址證明?
為咗方便您將來開投資戶口,而開投資戶口係需要住址證明嘅,我哋會喺開立銀行戶口嘅時候收集埋住址證明,咁就可以加快開投資戶口嘅審批時間。之後您只要喺Citi Mobile App入面嘅「財富管理」撳幾下就搞掂。 如果您唔需要投資服務而未想上載您嘅住址證明,可能您需要考慮開立其他類別嘅戶口服務,請親臨分行了解及開戶。
申請時填嘅香港住宅地址,有冇咩要注意?
您填嘅呢個香港住宅地址,同之後您上載嘅住址證明要係一樣呀。
申請嘅時候要填稅務編號 (TIN),稅務編號即係乜?
當要填寫稅務編號,如果您係香港居民,請填妥您嘅身份證號碼連括號內數字,但唔駛填括號。
點解我需要喺3個角度影我嘅香港身份證?
咁可幫我哋確認您嘅香港身份證,等您唔洗去分行做身份認證。請確保您嘅香港身份證截圖並無失焦,亦無畀眩光或者陰影遮擋。
我嘅申請資料係咪保密同受到保護?
所有資料(包括香港身份證照片、自拍照片、個人資料、用戶名稱同密碼)都會喺整個傳送過程中加密。
我點知自己嘅申請狀況?銀行戶口幾時可以用得?
喺完成Citi Mobile App嘅申請程序約10分鐘後,我哋會透過電郵同電話短訊通知您有關開戶嘅狀況。當您嘅銀行戶口用得嘅時候,您會收到「成功開戶」嘅通知,咁到時登入個APP就可以用。
點解我嘅身份認證唔成功,而我要親身去分行開戶?
可能有啲因素影響咗您嘅自拍同香港身份證令我哋唔能夠準確地做比對,包括影香港身份證同自拍照片嘅環境(好似眩光、香港身份證上的刮痕或損毀等)。
喺「自拍」面容識別時,有咩需要注意?
喺影照片時,您需要: i. 直望相機;同 ii. 眼睛同相機必須喺同一水平;同 iii.確保照明恰宜(無陰影或眩光);同 iv. 用簡潔嘅背景。
點繼續我嘅申請?
如果您冇任何Citi信用卡,而之前已經喺網上填妥Citi Plus申請表格,您會收到有「申請號碼」嘅電郵同電話短訊,您只需要跟住下面步驟就可以繼續申請: i. 開啟Citi Mobile App ii. 撳「開立全新銀行戶口 」 iii.輸入電郵或短訊入面嘅「申請號碼」 如果您有Citi信用卡,您可以登入Citi Mobile App 後,喺戶口主頁底部嘅banner撳「立即申請」>繼續申請,咁就可以繼續處理埋未完成嘅部份。
現有客戶
如果我已經有Citibank銀行戶口,我可唔可以轉換去Citi Plus?
現有Citi Priority或Citibanking客戶可以去呢度登記轉換去Citi Plus。而花旗私人客戶業務或Citigold客戶我哋建議您先向您嘅客戶經理了解現時銀行服務級別同Citi Plus嘅分別,再作決定!
我可唔可以保持原有銀行服務級別,再加開Citi Plus?
每位現有銀行客戶只可以選擇屬於一種銀行服務級別,轉換左做Citi Plus後就唔再屬於原有銀行服務級別喇。
轉數
我可以點樣轉錢入去我嘅Citi Plus戶口?
好簡單!用Citi Mobile App嘅「轉數入Citi」功能咁就得啦: 1. 喺「繳款及轉賬」頁面撳「轉數入Citi」 2. 撳「新增其他銀行戶口」 3. 揀選銀行同輸入戶口資料 4. 輸入您嘅流動保安編碼密碼作驗證 5. 完成一次性登記 6. 揀登記咗嘅其他銀行戶口 7. 輸入金額 8. 核對資料及確認細節後就可成功轉數入您嘅Citi戶口
我可以點樣過數畀朋友?
您可以用轉數快,跟住下面嘅步驟就得喇: 1. 喺「繳款及轉賬」頁面撳「轉數快」轉賬 2. 揀扣賬戶口同輸入金額 3. 輸入您朋友嘅資料(手機號碼、電郵地址或者快速支付系統識別碼) 4. 核對資料後撳「付款」 5. 輸入流動保安編碼密碼作驗證就可以完成轉賬 5. 核對資料及確認細節後就可成功轉數入您嘅Citi戶口
轉賬去海外銀行有冇手續費?
如您經電匯或者花旗全球轉賬匯款去海外銀行,我哋銀行會豁免手續費,但請注意代理銀行可能會喺匯款扣取其他嘅費用。如想了解多啲冇關收費詳情,可以睇收費簡介
Citi利息 Booster
乜嘢係Citi 利息Booster?
Citi 利息Booster係一個有息賺嘅港元支票戶口。只要完成一啲簡單任務,例如用Citi Plus信用卡消費,您嘅存款利率就可以升級。
我可以點樣提升我嘅存款利率?
只要完成一啲簡單嘅小任務,您就可以賺到額外利率。每個任務嘅要求同獲得嘅額外利率都唔同,您用 Citi Mobile App(「存款」> 「Citi 利息Booster」>「Boost」)就會睇到任務詳情同相關額外利率喇。
有咩任務可以幫我提升存款利率?
我哋有簡單又好玩嘅任務,喺您日常理財都會做嘅事,好似儲錢、入錢、碌卡買嘢、投資、唱外幣或買保險。喺Citi Mobile App就睇到有咩任務。
我可以點樣用Citi利息Booster賺到高達1.8%年利率?
一開始您會有基本利率,完成唔同嘅任務之後就會賺到額外利率。每個任務嘅要求同額外利率都唔同。當您完成晒所有任務,將您嘅基本利率加埋所有完成任務所得到嘅額外利率,您就總共賺到高達1.8%年利率喇。利率或者會浮動,您可以用 Citi Mobile App (「存款」>「Citi 利息Booster」>「Boost」)去睇返任務詳情同相關嘅額外利率。
我今個月完成任務所賺到嘅額外利率,喺咪今個月即時享受到呢?
唔喺啊,你今個月完成任務所賺到嘅額外利率係適用於下個月嘅存款。
係咪我所有嘅存款都可以賺高達1.8%年利率?
您嘅Citi 利息Booster戶口入面頭嗰港幣300,000元存款係可以賺到最高1.8%年利率嘅。$300,000以外嘅存款結餘,就會享有現行嘅存款年利率。您可以去我哋嘅網頁(「是日利率及收費簡介」>「是日利率及匯率」)參考返最新嘅存款年利率㗎。
Citi Plus Mastercard扣賬卡
我可以點樣申請Citi Plus Mastercard扣賬卡?
當您成功開立咗Citi Plus戶口,大約5個工作天,您就會自動收到Citi Plus Mastercard 扣賬卡,唔使額外申請㗎。您可以用呢張卡喺自動櫃員機提款同簽賬,係咪好方便呢!
我點樣先可以拎到限定版Citi Plus 萬事達卡®扣賬卡?
您需要係2021年2月22日至3月13日期間透過Citi Mobile App進行Citi Plus開戶程序。完成開戶程序並收到本行開立戶口嘅確認。
我可以點樣啟動我嘅Citi Plus Mastercard扣賬卡?
好簡單,您只需要登入Citi Mobile App,撳左上角嘅「我的檔案」圖示,然後揀「啟動扣賬卡」。再跟住指示做,好快就啟動到您張卡。
我可以點樣設定扣賬卡嘅櫃員機密碼?
好簡單,您只要登入Citi Mobile App,撳左上角嘅「我的檔案」圖示,然後揀「設定/重設自動櫃員機密碼」。跟住指示做就可以設定您嘅自動櫃員機密碼。
啟動扣賬卡同設定自動櫃員機密碼有無限期?
請盡快啟動您嘅扣賬卡同設定自動櫃員機密碼。如果您未能喺90日內啟動,扣賬卡會被取消。
點先可以拎到1% 簽賬獎賞?
喺發卡後頭6個月,所有用港幣誌賬嘅合資格交易,都可以計算獎賞,最高有1%嘅簽賬回贈(6個月後回贈高達0.5%),而且不設上限,畀您買到夠、賺到盡!
簽邊類型嘅野先會計落Citi 利息Booster 嘅「碌卡買野」任務?
Citi Plus®信用卡或者任何Citibank扣賬卡嘅簽賬都計㗎!無論係碌實體卡定係用電子錢包畀錢;去鋪頭買嘢定係上網shopping,只要係認可嘅零售簽賬,我哋通通都計。想知多啲就登入Citi Mobile App啦。
Citibank Global Wallet
乜嘢係Citibank Global Wallet?
只要您啓動咗Citibank Global Wallet同唱定足夠外幣,當您喺海外用扣賬卡簽賬或者提款,您就可以直接由外幣戶口扣數,Citi仲完全唔收手續費。想知多啲就去 citibank.com/globalwallet
我點先可以喺我嘅扣賬卡用到Citibank Global Wallet?
您要用Citi Mobile App啟動咗Citibank Global Wallet先用得。登入之後撳左上角嘅「我的檔案」圖示,再揀「Citibank Global Wallet」,向右撥就可以啟動。
Citibank Global Wallet支援幾多種貨幣?
Citibank Global Wallet 支援 12 種貨幣,包括歐元、英鎊、澳元、新西蘭元、美元、加元、瑞士法郎、日圓、新加坡元、泰銖、人民幣及港元。當您喺網購或海外用扣賬卡簽賬或者提款,您就可以直接由對應嘅貨幣戶口扣數。
如果Citibank Global Wallet並不支援我交易或提款的外幣,會發生什麼事?
您的預設港幣賬戶將被扣款, 並會按照不時更新的服務費手冊中的手續費及/或兌換差價予以應用。
我應該使用哪些自動櫃員機在海外提款?
您可於海外花旗銀行或海外萬事達卡網絡的自動櫃員機提款。萬事達卡網絡包括Mastercard、Cirrus及Maestro。
透過Citibank Global Wallet,是否真的可以免費進行海外消費交易或自動櫃員機提款 ?
任何透過Citibank Global Wallet進行的海外消費交易或自動櫃員機提款,Citi都不收取手續費。 但是,一些海外自動櫃員機營運商可能會收取附加費,而您的相應通知存款將被扣款以支付該附加費。
透過Citibank Global Wallet進行的海外消費交易是否適用於現有銀行網站列明之扣賬卡現金回贈計劃?
雖然這些交易並未符合現有扣賬卡現金回扣計劃的條件,但我們可能會不時推出促銷優惠,以助您充分利用Citibank Global Wallet。 請繼續關注我們!
當透過 Apple Pay 或 Samsung Pay 進行付款時,我可以使用 Citibank Global Wallet 嗎?
當然可以!只需把您的扣賬卡加入 Apple 或 Samsung 裝置,然後進行外幣交易,您便可直接從您的外幣戶口付款。如果您想於網頁上或在 app 內進行交易,緊記於 Citi Mobile® App 內啟動網上交易功能。
Citi Plus 信用卡
我可以點樣申請Citi Plus信用卡?
Citi Plus信用卡係Citi Plus客戶專用嘅。如果您已經有我哋其他嘅Citi信用卡,您開咗Citi Plus戶口之後,可以上citibank.hk/pluscardapp 申請Citi Plus信用卡。
如果您未有任何Citi信用卡,記得喺網上申請Citi Plus戶口時揀「申請埋信用卡」,咁就可以一take過申請晒Citi Plus戶口同Citi Plus信用卡喇。
我點樣先可以拎到限定版Citi Plus 信用卡?
您需要係2021年2月22日至3月13日期間成功申請Citi Plus信用卡。
我會幾時收到我嘅Citi Plus信用卡?
當您嘅申請批核咗,大約5個工作天就會收到您嘅Citi Plus信用卡。
Citi Plus信用卡有乜嘢禮遇?
Citi Plus信用卡禮遇包括: • 網上簽賬同健身室會籍簽賬可享3倍積分。積分永久生效 • 冇年費 • 免費購物保障 • 用呢張卡簽賬到特定金額,您可以自動賺到Citi利息Booster嘅額外利率(詳情請 參考Citi Mobile App內「碌卡買嘢」嘅任務要求)。
邊度可以搵到多啲積分獎賞嘅資料?
您可以參考返有關積分獎賞計劃嘅條款及細則
邊度可以搵到多啲有關免費購物保障嘅資料?
您可以參考返有關免費購物保障嘅條款及細則
簽邊類型嘅野先會計落Citi 利息Booster 嘅「碌卡買野」任務?
Citi Plus®信用卡或者任何Citibank扣賬卡嘅簽賬都計㗎!無論係碌實體卡定係用電子錢包畀錢;去鋪頭買嘢定係上網shopping,只要係認可嘅零售簽賬,我哋通通都計。想知多啲就登入Citi Mobile App啦。
免費購物保障係點嘅?包唔包括我嘅網上購物?
用Citi Plus 信用卡喺全球任何地方(零售店或網店) 買任何實體物品,無論係損毀,遺失或者被偷竊都自動有免費購物保障㗎。按此參閱購物保障保險簡章。
投資
我可以享用到邊啲股票買賣服務?
而家您可以喺Citi Mobile App 買賣港股同滬深股票。 我哋亦不斷努力將買賣美股服務喺Citi Mobile App推出,請繼續關注我們!
我可唔可以隨時用Citi Mobile App去落基金指示?
梗係可以啦,您可以24/7設立基金指示㗎,您嘅指示會遞交到有關嘅基金公司處理。不過提提您,基金公司喺公眾假期同非交易日係唔辦公㗎。
用Citi Mobile App認購基金,收費係幾多?
無論單次定月供去認購基金,收費都係認購金額嘅1.5%。
Citi Plus平台會有邊類嘅基金選擇?
Citi Plus平台會根據您嘅風險評級同投資目標,去建議精選基金組合,我哋會盡力提供足夠基金畀您慢慢揀,基金類型會包含主要嘅資產類別,務求滿足到您嘅投資需要。
「靈活財庫」係乜嘢?
「靈活財庫」令您好容易喺Citi Mobile App投資貨幣市場基金。最正嘅係,低至HK$1/US$1已經可以開始投資,同埋冇認購費同贖回費。

另外,您隨時可以贖回,一般幾日內就可以收返錢,指定基金仲可以即日添。一些指定貨幣市場基金提供即日贖回金額最高係HKD 10,000,如果超過左依個金額,,剩餘金額就會係下一個工作天入返落您戶口。
我可以喺Citi Mobile App進行咩基金交易?
透過呢個app,你可以靈活簡便買入、賣出基金,同埋設立「基金精選儲蓄計劃」! 「基金精選儲蓄計劃」係一項基金月供投資計劃,根據你最初設定嘅金額,以每月供款方式定期投放到投資組合中。你持有嘅投資會累計入「基金精選儲蓄計劃」戶口裏面。
Citi Mobile App 最低認購基金金額係幾多?
建議投資組合 (無論係單次定係月供) 嘅最低認購金額係HK$100! 如果您更改建議嘅投資組合,您可能需要為自選嘅基金支付更高嘅最低認購金額!
保險
我可以喺Citi Mobile App買到邊啲保險產品?
跟據您嘅需要,您可以喺Citi Mobile® App選擇買到 AIA「合心易」保障計劃同蘇黎世旅遊保險計劃。
我可以點樣睇到其他保險計劃嘅資料?
我哋提供全方位嘅保險產品,由人壽保障到投資規劃。想要保險建議?喺「協助」撳「Messaging」同我哋嘅保險顧問傾吓或者喺「不如同我哋傾傾」留言。您亦可以去向附近嘅 Citibank 分行查詢。
AIA「合心易」保障計劃係點樣嘅?
AIA「合心易」保障計劃*係一份設有多項組合保障的嘅保險計劃。特選客戶可以喺Citi Mobile® App 搵合心易嘅 Get More ,了解更多有關資料。
*AIA「合心易」保障計劃只適用於特選客戶。
如果用手機投保中間有問題,可以點?
您可以撳「不如同我哋傾傾」,輸入相關資料。我哋會用您預訂嘅聯絡方式同您聯繫。
我可以點樣睇返買咗嘅保險計劃?
您可以登入Citi Mobile® App,喺首頁入面嘅保險資訊欄就搵到您經我哋銀行購買咗嘅保險計劃。
實用資料
收費
呢度就睇到收費嘅詳情。
如果我唔見咗張扣賬卡/信用卡,我應該點做?
唔使擔心,您可以用Citi Mobile App嘅「Messaging」功能(喺「協助」入面按 「Messaging」)聯絡我哋,我哋嘅客戶服務主任會停止您張卡,然後出張新卡畀您。 您亦可以用電話理財服務熱線 2860 0333去報告失卡,我哋都會幫到您。
信用卡指南 - 服務收費表 / 使用須知 / 多元化付賬方式
呢度您就睇到詳情。
成功開戶後,我點更新我嘅戶口資訊?
如果想更新您嘅電郵地址、屋企/辦公室電話號碼同相應地址,請登入Citibank網上理財辦理。如果想更新您嘅其他個人資料,請喺 www.citibank.com.hk/e-Contact下載「更改客戶聯絡資料申請表」並根據指示遞交表格;或者聯絡我哋任何一間分行。