申請
入台證

天氣
資訊

上網
方法

申請入台證

入境必要申請入台證,可以網上提早申請或者落地簽證都得。不過唔同出生地、所持證件、之前有無申請過等因素,都會影響您嘅申請辦法,記住申請之前check清楚。最方便嘅辦法當然係上網申請啦,但申請完要記住完整print返出嚟,入境時要出示返㗎。

如果經常去台灣快閃旅行嘅,可以考慮申請埋「常客證」,咁過境時就可以行Fast Pass櫃台,過關就可以慳好多時間!

天氣資訊

台灣天氣唔穩定得嚟又不時受颱風吹襲,出發前不妨預先download定台灣中央氣象局推出嘅「中央氣象局W - 生活氣象」App。唔同區唔同景點嘅天氣預報都搵到,亦都詳細至每3小時一個預報,幫您準確地安排行程。

仲有當地最新嘅氣象資訊同發生颱風、地震等嘅警報添!咁就唔怕旅行好心情受壞天氣影響啦!

上網方法

如果係一家人或者幾個friend同遊想share data,咁租Wi-Fi蛋就最方便啦!另外,當然都可以選擇出返張當地嘅SIM卡,咁就唔使煩住要帶住隻Wi-Fi蛋又靈活啲啦。
不過要留意,如果您換走咗香港張SIM卡,就會收唔到香港嘅SMS㗎啦。

另外,台灣政府亦喺好多旅遊熱點及捷運站設立咗免費Wi-Fi供旅客使用,您可以預先上佢哋嘅網頁 Free Wi-Fi 網上登記,到埗之後再去旅遊服務中心啟動就用到㗎啦!

悠遊卡
攻略

憑消費
單據抽獎

租車
自駕遊

悠遊卡攻略

喺台灣必備悠遊卡,同香港八達通一樣,幾乎所有交通工具都可以用佢一「嘟」即付,連部份當地的士都用得。除咗交通,悠遊卡仲可以喺好多連鎖餐廳或者便利店都用到,仲有好多儲分或者回贈等優惠,去到台灣一定要買返張徬身啦!

憑消費單據抽獎

喺台灣消費除咗商戶單據之外,仲會有張官方發出嘅「統一發票」。唔好睇少果張單,分分鐘可以幫您贏到高達1,000萬台幣。果啲「統一發票」上面印有一組獨特嘅編號,等同抽獎券一樣。每2個月抽一次獎,獎金金額由 200 台幣至 1,000 萬台幣!香港遊客都可以參加,只要用護照去到當地郵局就可以領獎!所以消費完記住keep單呀!

留意返: 「統一發票」有分長身同短身,長身嘅得獎公佈喺台灣財政局稅務入口網 ;而短身嘅就可以透過「發票集點王」app,scan QR code直接對獎!

租車自駕遊

如果想喺台灣自駕遊,租完車之後有幾點要特別注意。首先留意返台灣嘅高速公路同隧道有部份係無收費站,當您經過依啲地方嘅時候,電子收費系統會自動計算路費並將收費資料send比租車公司,到時還車嘅時候您就要比返錢租車公司㗎喇。
台灣同香港揸車另一個好唔同嘅地方係佢哋係無咪錶㗎。如果您想喺路邊臨時停車嘅話,要去路邊有白色線畫嘅停車區,到時會有相關人員將繳費單夾喺您架車嘅玻璃上面,拎住佢去便利店交返錢就攪掂喇。
最後記得出發之前檢查下國際駕駛許可證有無過期,過咗期記住快啲續領呀。

當地
食買玩優惠

Agoda訂酒店
享93折

當地食買玩優惠

帶埋Citi信用卡,去到當地就可以用到我哋為您挑選嘅大量食買玩優惠!喺台灣食盡多間高級餐廳再飲埋珍珠奶茶,Shopping由台灣101百貨中心買到誠品,全程都有優惠!即上Citi環球禮遇了解更多食買玩優惠!

用Citi積分於Agoda指定連結訂酒店享93折

去旅行梗係要Book間好嘅酒店嘆盡佢,通常都佔咗成個旅程嘅洗費一大部份。有折扣優惠梗係最好啦,可以用埋Citi信用卡積分扣減就再俾少啲!依家經指定連結就可以一站式兩樣都做到,真係又荀又方便呀!

立即於瀏覽器輸入以下網址開始預訂:

香港ATM直接撳YEN

唱咗嘅外幣依家唔使再去分行排隊拎啦,喺外幣ATM就可以直接拎,唔使特登等分行開門好方便!