天氣
資訊

交通
攻略

入境
手續

天氣資訊

泰國天氣唔似香港咁四季分明,全年氣溫變化唔大,雨季(6 月至 10 月)幾乎每日都會落雨,記得帶遮喇。而旱季(11 月至 2 月)嘅日夜溫差較大,最好帶多一件薄外套。出發前不妨上定泰國氣象局嘅網頁check 咗目的地嘅天氣預報先,咁就可以根據返天氣執喼同plan 行程啦!

交通攻略

交通卡:
泰國交通卡Rabbit Card就同香港嘅「八達通卡」一樣,搭車、買嘢食等都可以一「嘟」即付,到埗之後喺任何一個BTS票務站買返張傍身啦!
小提示:Rabbit Card要實名購買,旅客要出示護照同電話/電郵登記。

包車 / Call車:
除咗公共交通之外,依家仲好興包車周圍去,預先喺香港book定司機,可以喺機場接您,成程點對點跟住您,咁就可以慳番啲時間去多好多地方啦。但係司機通常都剩係收現金,所以要預備定啲現金傍身啦!
如果唔包車,亦都可以download定手機Call車Apps,可以直接揀目的地,唔怕語言不通,車費亦都一目了然!

入境手續

持有特區護照就可以免簽證入境泰國㗎喇!

如果您符合資格*嘅話,毋須事先登記,就可以喺曼谷機場使用E-道出入境,成個通關程序最快20秒就搞掂,好方便㗎,咁就唔駛驚過關大排長龍啦。

*身高1.2米或以上、喺泰國無任何不良記錄、護照有效期唔少於半年,並以旅客身份喺泰國逗留唔超過30日,即屬符合資格。

退稅
攻略

上網
方法

遊泰
小知識

退稅攻略

泰國現時嘅消費稅係7%,同一日內喺同一間指定鋪頭到買滿2000泰銖以上就可以退稅㗎啦。如果間舖頭有「VAT Refund for Tourist」呢個標誌,就代表佢提供退稅服務。

買完嘢之後,出示返護照同填寫退稅表格再等店員蓋印,然後帶齊相關文件去到機場,check-in前交俾海關檢查同蓋印,記得要退完稅先好托運件商品呀。最後過咗關之後將相關文件交俾退稅人員辦理返退稅手續就可以㗎啦。

上網方法

Wi-Fi蛋:
如果係多人一齊去嘅話,租Wi-Fi蛋share data就最方便啦。

當地SIM卡:
如果獨遊或者分開行程時間較多,可考慮自己買張SIM卡,咁就帶少樣嘢又靈活啲!

依家好多人都會選擇喺入境之後買Pre-paid SIM卡,但就要實名登記,如果想方便啲,就可以揀喺香港電訊商或旅遊平台出售嘅SIM卡,即插即用。

啟用自己手機服務供應商嘅漫遊服務,就可以收到Citi嘅電話同SMS,簽賬就多一重保障啦!

遊泰小知識

  • 去到泰國記得要尊重當地嘅文化。入廟參觀時,女士應該避免著短裙、短褲及背心。
  • 進入佛堂時,記得要除鞋,同埋唔好隨便用手摸僧侶同小朋友個頭呀。
  • 泰國有自己嘅泰國曆,喺泰國買嘢嘅時候要睇清楚保存期限係用西元定係泰國曆。泰國曆嘅計算方法係依家嘅年份加543就係㗎喇!例如今年係2019年,所以泰國曆就係2019+543 = 2562年喇。

當地食買玩
Spa優惠

Agoda訂酒店
享93折

海外直接用
靚價外幣

當地食買玩Spa優惠

帶埋Citi信用卡,去到當地就可以用到我哋為您挑選嘅大量食買玩行優惠,歎足成個旅程!喺泰國食勻多間高級餐廳,歎盡唔同Spa 及Massage Treatment,全程都有優惠!即上 Citi環球禮遇了解更多食買玩行優惠!

用Citi積分於Agoda指定連結訂酒店享93折

去旅行梗係要Book間好嘅酒店嘆盡佢,通常都佔咗成個旅程嘅洗費一大部份。有折扣優惠梗係最好啦,可以用埋Citi積分扣減簽賬就再俾少啲!依家經指定連結就可以一站式兩樣都做到,真係又荀又方便呀!

立即於瀏覽器輸入以下網址開始預訂:

一早唱定外幣,旅行消費直接用就無須再擔心蝕匯價

Citi銀行客戶隨時隨地都可以用Citi Mobile® App 輕鬆唱外幣。依家仲有全港首推 Global Wallet,去到外國shopping用Citi debit卡”拍一拍”就直接扣外幣戶口找數,或者喺外國ATM直接撳外幣戶口嘅錢。用到靚價外幣就唔使蝕匯價,仲唔收手續費。

立即於瀏覽器輸入以下網址了解更多:

想將您嘅提款卡換為「Citibank萬事達卡扣賬卡」?按此了解更多。