請稍等。
職場新丁

想成為Slash一族,有咩要準備?



近年越嚟越多年輕朋友選擇加入Slash行列,享受「無限斜槓」生活。作為Slash一族,某程度上都係經營緊一盤自己嘅生意。如果您身懷多項絕技,就可以兼顧唔同性質嘅Project,開拓更多收入來源。另一方面,Slash強調個人自主性,想賺多啲就密食當三番,想抖下就暫停接Job,自由度非常大。

聽落做Slash好似好吸引,不過接Job後要自己安排工作時間,亦要承擔一定程度嘅風險同責任,所以對個人自制能力要求好高。喺成為Slash之前,不妨參考以下攻略做好準備!

攻略一:執靚Portfolio,提升技能

有心向全職Slash發展嘅朋友,可以考慮先由打工一族做起,累積一定工作經驗、Portfolio、技能同人脈後先開始自己接Job。一來有自身嘅工作Portfolio會增加說服力,二來累積嘅人際關係,有機會可以成為您嘅首批客人。由於市場環境同科技都會持續進化,做Slash必須時刻提升自己技能,以保持競爭力。

攻略二:主動出擊,尋找機會

成為Slash後,接Job途徑主要靠朋友介紹、客戶推薦,初期甚至需要主動出擊「R撈」。為咗搵到更多潛在客戶,Slash族有必要主動擴展人際網絡,例如透過社交媒體展示個人Portfolio,畀其他人知道自己有咩技能。另一方面,Slash亦要識得與客戶主動溝通及提出建議,建立良好合作關係,先可以長做長有!

主動出擊,尋找機會

攻略三:預先計劃,做好預算

比起有固定月薪嘅打工仔,Slash族間中難免會有收入不穩定嘅情況,所以記得要準備應急錢,以備不時之需。應急錢嘅數目可以相當於3至6個月恆常支出,包括衣食住行、保險費用、月供投資等等。此外,做Slash除咗要專心應付項目內容,亦要小心處理背後嘅行政工作,例如規劃日程、記錄工作進度、安排出Invoice等等。如果項目規模較大,或者成本相對較高,可以考慮提出先收取部分款項作為訂金,完成工作後亦應盡快完成收款,維持健康現金流。

預先計劃,做好預算

攻略四:學識理財,展望將來

對於Slash一族嚟講,及早做好理財規劃,先可以令自己有更多資源同空間去發展事業。無論您係理財新手,或者有啲投資經驗嘅朋友,都可以透過Citi Plus一系列由投資達人設計嘅理財攻略,由淺入深咁level up您嘅理財知識!睇完攻略,仲有各種低門檻投資產品畀您實踐,例如透過「靈活財庫」用低至HK$1蚊買到貨幣基金,最快一日就可以變返cash,唔使怕lock住啲錢!又或者用一杯Happy Hour Drink嘅價錢買到專家推薦嘅基金組合,少少錢就可以開始投資,夠晒flexible!

立即加入Citi Plus,一齊Chill住學,玩住賺更+多