請稍等。
職場新丁

唔想再做deadline fighter?3招助您擺脫拖延症!



以前讀U嗰陣,要去到Deadline前一晚先開始趕Paper,相信唔少人都曾經試過;不過如果成為咗上班族之後,仍然拖到最後一個Moment先「臨急抱佛腳」,「通頂」做出嚟嘅成果質素欠奉唔在講,仲會搞到第二日無厘精神,唔單止影響工作表現,上司見到您咁,即使「有位」都未必願意畀您「上」…… 唔想「錢」途同前途凍過水,不如睇睇以下幾招,學識擺脫「拖延症」,唔好畀呢個壞習慣「拖」累您嘅未來!

招數1:面對大Project唔使驚,分階段KO佢!

有大Project落到自己手,可以將個Project「斬件」 —— 分成幾個階段,並且為每一個階段Set一個Deadline,方便自己逐步實踐,同時亦可以評估工作進度!如果發現某一個階段嘅工作比較難,可以先完成其他階段嘅工作後,最後返去KO個難關。一嚟唔會「卡關」影響Project進度,二嚟喺處理上亦都會更靈活同有彈性,減輕壓力,自然唔會一拖再拖啦!

招數2:適當地放鬆自己,令自己更有動力!

意志,對於擺脫拖延症嚟講非常重要;想令自己工作嘅意志更加之堅定,除咗畀啲壓力自己,間中亦都要獎勵吓自己:例如每完成一個階段嘅工作,可以畀自己放個Break —— 同朋友飯聚傾吓計、或者上Netflix睇套戲唞吓,重新Recharge,更加有動力去完成埋餘下嘅工作!

undefined

招數3:列個「拖延清單」出嚟見我!

與其逃避,不如畀啲勇氣自己,列晒所有待辦事項出嚟,面對佢哋!列出清單後搵出相對容易同埋可以快速解決嘅事項,先完成佢哋,令份清單愈嚟愈短,最後再集中火力面對您想逃避嘅「難題」。當您成功搞掂晒清單上嘅事項,心情唔單止輕鬆得多,亦都令自己更有信心面對唔同難關,唔再逃避!

及早擺脫「拖延症」,除咗可以提升工作能力,亦可以令生活更有計劃。想為未來做好準備,早日學識理財投資同樣重要,唔好諗住「搵夠本錢先再算」一拖再拖!對於決心喺理財上要擺脫拖延症嘅您,Citi Plus絕對係您嘅好隊友!因為Citi Plus有一系列由投資達人設計嘅理財攻略*,由淺入深level up您嘅理財知識,仲有各種低門檻嘅投資產品畀您實踐,例如用一杯Happy Hour Drink嘅價錢就可以買到Citi推薦嘅基金組合,少少錢就可以開始投資!無論有咩問題,Citi Plus嘅投資達人都會stand by同您即時解答,啱晒新手踏出投資第一步!

*Citi Plus理財攻略部分內容會由以下基金公司提供:安本標準投資管理,安聯投資同富蘭克林普頓

立即加入Citi Plus,一齊Chill住學,玩住賺更+多