請稍等。
食買玩專家

【搭車優惠】想慳錢有乜計?即睇最新交通車費攻略



作為一名精明嘅消費者,除咗shopping時識得慳,搭車都要搭得抵!交通費好多時係無可避免嘅日常生活開支,利用唔同嘅車費優惠,例如折扣優惠、月票、八達通信用卡等都可以慳到錢或者賺回贈。立即為大家送上最新嘅交通優惠攻略:

港鐵交通優惠

返工時間想避開人潮?不如提早出門,仲可以享受到港鐵早晨折扣優惠:逢星期一至五(公眾假期除外)朝早7點15分至8點15分,用成人八達通喺任何指定核心市區車站出閘,即可享車費65折優惠! 要過海返工嘅朋友,當然要善用港鐵都會票!都會票適用於66個指定市區車站,可以喺40日內搭40程,!至於需要往來屯門、天水圍、上水、粉嶺、大埔、馬鞍山及東涌地區嘅朋友,就要留意「全月通加強版」,乘客除咗可以喺有效月份內無限次往來指定車站之外,連接非指定車站嘅車程,亦都有正價車費75折優惠!

九巴交通優惠

如果需要搭長途巴士線嘅朋友,可以考慮買HK$780嘅九巴月票,每日可以任搭10程,全香港超過400條九巴路線都適用,仲可以由購買月票起30日內任搭,等您隨時買,隨時搭,唔使計住月頭先可以買!另外,乘搭九巴指定獨營過海路線於港島轉乘電車,或乘搭電車於港島轉乘該指定過海路線,都可以享有車費優惠。

公共交通費用補貼計劃

公共交通費用補貼計劃,政府會為每個月超出HK$200嘅公共交通開支,提供三分之一補貼,無論搭港鐵、巴士、電車、專線小巴定係渡輪都啱用。車費愈高,補貼金額亦都愈多,不過要留意補貼金額上限為HK$500。

Citi八達通白金卡:交通費回贈計劃

想賺得更多,可以申請埋Citi八達通白金卡,配合全新交通費回贈計劃,搭港鐵、巴士、綠色專線小巴、渡輪、電車就可以賺到15%車費回贈,連揸車過隧道都有5%回贈*每月簽夠指定金額就有得賺,配合埋其他Citi信用卡仲可以賺得更快!

*優惠受條款及細則約束

立即申請Citi 八達通白金卡,搭車都有得賺!
借定唔借?還得到先好借!