請稍等。
專家高見

搏升值講實用,邊啲外幣值得入手?



年頭到而家個市都keep住上上落落,有少少資產嘅朋友,都會諗到揸返啲金用嚟避險再搏升幅。雖然金價喺3月突然一插,嚇咗大家一跳,但而家睇返就知咩叫真金不怕洪爐火,金價係咁咦跌兩嘢,之後就係咁升,咁多樣資產之中,黃金作為避險之王,真係冇得輸!今時今日到各國又大開水喉,黃金呢排係咁衝,好多人都覺得挑戰歷史新高指日可待。

主流貨幣 vs. 黃金 (2020上半年表現)

 不過當金價升到咁,值搏率仲有幾多就真係見仁見智。如果唔想呢個時候衝入去搏,亦都可以考慮買入其他避險貨幣,例如以下呢幾隻:

避險貨幣首選:日圓及瑞士法郎

向來被視為標準避險貨幣嘅日圓同瑞士法郎,上半年表現都算係咁,起碼有得賺先!尤其香港人至愛嘅Yen,大家咁鍾意去日本,雖然而家飛唔到,但疫情好返啲嘅時候,拎住啲平嘅Yen去日本玩,係咪更加開心呢?退而求其次,大家咁buy日本嘢,上網買日本名物用平啲嘅Yen,都慳返唔少啦!至於瑞士法郎由年初起走勢持續平穩,加上瑞士央行長期維持超低利率,難怪避險貨幣之王嘅地位亦相當穩固。

趁低位唱定做使費:英澳紐加

英鎊年頭都跌咗幾多,不妨可以考慮換定多啲

至於其他貨幣經歷大挫後,其實都收復返唔少失地。雖然其中英鎊跌得幾傷,年頭買咗就要損手大約6%,但其實英鎊最差嘅時間係跌穿過公投脫歐嘅底,而家已經升返唔少架啦!另一方面,英鎊同澳紐加元都係平時香港人換外匯嘅大熱之選。尤其家長們為咗響海外留學嘅仔女,平日都要換定啲做洗費。上半年呢幾隻都跌咗,不妨可以考慮換定多啲。

一App靚價入外幣

用Citi Mobile App嘅銀行成本價換外幣,用來投資或者消費一樣得

不過無論您買咩外幣都好,最近要係個價靚。用Citi Mobile App嘅銀行成本價換外幣,0%差價換完嘅錢放喺戶口,等佢升值又得,留返做海外提款同消費又得!就算平日喺外國網站買嘢,都可以透過Citibank Global Wallet直接用外幣比錢,零手續費之餘仲唔需要擔心個rate唔夠靚,等您放心盡情shopping! 

登入Citi Mobile® App 隨時隨地兌換心水靚價