請稍等。
專家高見

ESG投資點解咁HIT?即睇兩大優勢



近年好多投資者都會開始留意企業喺環境(Environment)、社會(Social)及管治(Governance),即係ESG方面嘅表現,作為傳統指標以外另一參考嘅標準。究竟ESG投資有咩咁吸引?

抗跌力強,啱哂長線投資

2020 年第一季,受疫情影響,環球股市總波動率達到歷史高位;但其實 ESG 股票嘅回報,依然超過歐洲同美國區域市場嘅表現。當環球市場在喺2 月份見底時,ESG股票嘅抗跌力相當較強,令投資者有信心可以優先將ESG投資視為長期而非短期嘅資產配置。

 ESG投資回報

投資表現出色,回報理想

隨著市場開始復甦,部分投資者可能會預計ESG嘅優異表現會減弱,因而將佢哋嘅偏好重新配置到市場上嘅其他板塊。不過實際上,無論喺美國定歐洲地區,響2020年 4 月至11 月期間(即疫苗宣布推出、市場反彈開始之前),ESG都提供咗可觀額外嘅回報,分別係歐洲 7.1%及美國1.5%。

ESG背後講緊嘅係可持續發展理念,包括再生能源、氣候變化同減少碳排放等等主題。而家好多主要國家同地區都話要減少碳排放,歐美目標係2050年實現淨零排放添,要達標就要喺新能源同環保大量投資,專家估計規模可能超過130萬億美元,過程衍生唔少潛在投資機會。綠色世界發展係不可阻擋趨勢,應該係長期投資主題,可能持續二十年或更長時間。

想發掘更多理財攻略?立即加入Citi Plus!