請稍等。
最HIT話題

想發掘更多投資機遇?即睇3大熱門投資主題



今年喺疫情持續及經濟下滑嘅衝擊下,內地雙11依然交出亮麗成績,「天貓雙11」銷售累計成交額近5,000億人民幣再創新高,打破過去12年嘅紀錄,似乎疫情對消費嘅打擊只限於實體店舖。另一方面,消費者喺疫情下外遊受阻,注重健康之餘,對科技需求亦大幅增加。咁嘅形勢下,除咗數碼革命、長壽(醫療保健)相關投資板塊之外,仲有邊啲投資主題值得關注?睇吓以下分析先!

FinTech潛力無限

隨住企業及消費模式轉變,過去幾年各類初創企業以至傳統金融服務機構均積極發展金融科技 ,即係平時成日聽到嘅FinTech。市場上已經出現一系列嘅新技術同產品,涵蓋咗不同領域方面嘅需求,包括流動支付、電子錢包、加密貨幣、P2P 網貸、Open API以及大數據分析等。通過呢啲新技術,金融機構可以向客戶提供更個人化嘅產品及服務,同時降低營運成本。另一方面,消費者亦可以透過互聯網及流動應用程式隨時隨地使用金融服務,輕鬆管理個人財務同獲取專業意見。係需求極速增長嘅情況下,市場普遍睇好積極參與金融科技應用程序嘅公司。

FinTech潛力無限

網絡安全備受關注

有研究指出,自疫情開始,亞太區有 69%企業遭網絡攻擊,香港都有67%,並唔係講玩。用全球角度,據估計網絡破壞每年對全球經濟造成1.5萬億美元損失,而且數字仲會增加。有分析師認為,到咗2021年,網絡破壞可能會令全球經濟損失6萬億美元。另外,越嚟越多網絡違規行為,即係話相關組織同企業,唔可以只採取被動防禦法,應使用以情報為主導嘅主動防禦法。有消息指,超過8成香港企業會因疫情下嘅混合工作模式,而大大增加網絡安全投資,呢個行業值得大家留意。

網絡安全備受關注

ESG興起 新能源帶動市場

近年投資者對ESG關注度上升,除咗講回報之外,仲會睇埋相關投資對環境(Environmental)、社會(Social)及公司管治(Governance )嘅影響,當中以新能源相關嘅投資主題最有可能會率先「跑出」。以目前嘅碳排放率預測,可能會喺10到15年內達到「碳預算」上限, 屆時各國政府將嚴格控制碳排放,否則好可能會面臨乾旱同海平面上升等嚴重問題。大規模嘅電氣化或可解決好多碳排放問題,所以由傳統石油燃料轉為清潔能源發電好重要。實現呢啲目標嘅技術已經存在,不過能源儲存嘅發展,可以大大提升技術嘅使用,潛力就喺呢度。

想緊貼更多市場消息,把握投資機遇?

想掌握更多市場資訊及分析,如果有個專業可靠嘅拍檔一齊幫手計劃,自然會事半功倍。好似Citigold就有400位財策分析師,為您剖析全球超過70個地區投資市況,幫您捕捉環球機遇。無論身在何處,您都可以透過Citi Live Chat與客戶經理及財策顧問進行視像對話,以螢幕分享為您提供市場資訊,分析資產組合表現,隨時隨地為財富增值,為摯愛穩中求富。

成功晉身Citigold客戶,可享豐富現金回贈