喺疫情持續及經濟下滑嘅衝擊下，內地雙11依然交出亮麗成績，「天貓雙11」銷售累計成交額近5,000億人民幣再創新高，打破過去12年嘅紀錄，似乎疫情對消費嘅打擊只限於實體店舖。另一方面，消費者喺疫情下外遊受阻，注重健康之餘，對科技需求亦大幅增加。咁嘅形勢下，除咗數碼革命、長壽（醫療保健）相關投資板塊之外，仲有邊啲投資主題值得關注？睇吓以下分析先！

隨住企業及消費模式轉變，過去幾年各類初創企業以至傳統金融服務機構均積極發展金融科技 ，即係平時成日聽到嘅FinTech。市場上已經出現一系列嘅新技術同產品，涵蓋咗不同領域方面嘅需求，包括流動支付、電子錢包、加密貨幣、P2P 網貸、Open API以及大數據分析等。通過呢啲新技術，金融機構可以向客戶提供更個人化嘅產品及服務，同時降低營運成本。另一方面，消費者亦可以透過互聯網及流動應用程式隨時隨地使用金融服務，輕鬆管理個人財務同獲取專業意見。係需求極速增長嘅情況下，市場普遍睇好積極參與金融科技應用程序嘅公司。

有研究指出，自疫情開始，亞太區有 69%企業遭網絡攻擊，香港都有67%，並唔係講玩。用全球角度，據估計網絡破壞每年對全球經濟造成1.5萬億美元損失，而且數字仲會增加。有分析師認為，到咗2021年，網絡破壞可能會令全球經濟損失6萬億美元。另外，越嚟越多網絡違規行為，即係話相關組織同企業，唔可以只採取被動防禦法，應使用以情報為主導嘅主動防禦法。有消息指，超過8成香港企業會因疫情下嘅混合工作模式，而大大增加網絡安全投資，呢個行業值得大家留意。

近年投資者對可持續投資關注度上升，除咗講回報之外，仲會睇埋相關投資對環境（Environmental）、社會（Social）及公司管治（Governance ）嘅影響，當中以新能源相關嘅投資主題最有可能會率先成為備受嘅關注項目。多國政府已經開始制定政策減低碳排放，減低全球暖化帶來嘅嚴重問題，包括極端天氣、乾旱或海平面上升等。大規模嘅電氣化可幫助碳排放問題，所以由傳統石油燃料轉為清潔能源發電好重要。實現呢啲目標嘅技術已經存在，不過能源儲存嘅發展，可以大大提升技術嘅使用，潛力就喺呢度。

想掌握更多市場資訊及分析，如果有個專業可靠嘅拍檔一齊幫手計劃，自然會事半功倍。作為Citigold客戶，無論身在何處，您都可以透過Citi Live Chat與客戶經理進行視像對話，以螢幕分享為您提供市場資訊，分析資產組合表現，隨時隨地為財富增值，為摯愛穩中求富。