請稍等。
理財101

學識調節Beta,投資就可以淡淡定?



認識咗Beta之後,大家有無做功課睇睇自己手頭上嘅資產,Beta值係高定低?如果Beta偏高,而個大市又唔穩定,相信您嘅心情就會同個市一樣chok下chok下,升嘅時候升得多過人,跌又跌得多過人,真係會又愛又恨! 

點樣應對市場波動?

當個市進入調整,搞到成手蟹貨,您可能有好多個問號:幾時先反彈?仲會唔會繼續跌?係咪應該止蝕?假若世事都被您看透了咁,仲使乜返工丫!不過高買低沽係投資大忌,更何況持有高Beta嘅資產未必係壞事,反彈嘅時候分分鐘幫您一舖番身,如果而家沽貨離場,到時見住佢急升隨時仲肉痛。如果想降低風險,唔想自己個心情成日好似坐過山車咁,不妨試下降低返成個投資組合嘅Beta值,就算再跌市都可能幫您蝕少啲,升市嘅話亦都有機會受惠。

就算您仲賺緊錢,都唔可以掉以輕心,因為投資無長勝將軍,嚟緊個市係點,就連股神都未必知!市況波動之下,賺到賺唔到,唔係靠彩數。不如主動做返啲野,降低投資組合Beta值,鎖定一部分利潤同時降低風險。

點樣應對市場波動

自製較低Beta組合

點先可以降低Beta?假設您重倉科技股、新經濟股等較高Beta嘅股票,只要喺投資組合中加入較低Beta值嘅資產,就可以拉低整個投資組合嘅Beta值,好似公用股、基建股、銀行股等都係唔錯嘅選擇。想再穩陣啲,亦可以考慮加入基金,因為基金同單一股票最大分別就係分散投資,可以幫您將投資組合分散到其他較低Beta 嘅行業,而其他防守性較高嘅資產類別,同樣可以拉低成個組合嘅Beta值,從而達到降低風險嘅效果。就好似飲咖啡咁,下下都double shots espresso,好易心跳加速兼手震,間唔中飲返杯latte,溝淡啲咖啡因,日頭提到神,夜晚都好瞓。

仲未諗好點砌您個投資組合?呢個時候就梗係揾專家幫手啦!Citibank基金買賣平台就有專家根據您嘅理財經驗同目標,為您推薦適合嘅基金組合,入場費仲低至HK$100起,即係一杯Happy Hour Drink嘅價錢,就算想細細地玩吓先都無問題!隨時隨地喺Citi Mobile® App撳幾吓就搞掂,簡單易用,全程自己control,無論係投資新手或者有啲經驗嘅朋友,都可以輕鬆上手!

登入Citi 基金買賣平台,展開您嘅掌上投資大計!