請稍等。
理財101

外幣點唱先抵?新手必讀實用冷知識



雖然最近大家都留喺香港,未必需要兌換外幣去旅行,但如果有留意外幣走勢,依然可以買入賣出賺取差價甚至作長線投資!不過有樣嘢好多新手都搞唔清,明明上網做晒功課,話YEN紙兌港銀跌穿7算,但去到銀行或者找換店發現同網上匯價唔同,又唔知點睇買入賣出價,搞到R曬頭,真係想講句黑人問號。其實唱外幣除咗要睇準時機,都需要掌握以下基本概念:

要格價 先學識睇真實匯價

好多人上網check到個匯價,就以為真係可以用呢個價兌錢,但其實呢個世界上根本冇一個中央地方做外幣找換,大家見到嘅匯價,只係買入賣出價嘅平均值,基本上無人可以用呢個價錢嚟交易。回歸現實,如果您去到找換店或者銀行唱錢,真正要睇嘅價就係「賣出價」(Ask),呢個就係佢哋肯賣外幣畀您嘅價錢,所以大家要格價的話就要睇「賣出價」,數字越低越好;調返轉講,如果您要沽出手頭上嘅外幣換返做港紙,就要用「買入價」(Bid),數字越高越好。而一買一賣之間嘅差別,就係「匯差」,亦即係您唱錢嘅成本。

電匯靚價睇準先兌換

有啲朋友會揀去銀行唱外幣,因為相對會安全啲。不過如果需要即時兌換現鈔的話,個價通常冇咁靚,會唱得貴少少,因為銀行通常唔會擺太多各國嘅現鈔,要即刻換個價當然就set得高啲啦!想精明啲可以選擇唱電匯(TT),做法相當簡單:開定個外幣戶口,然後睇啱個心水匯價,上網撳個掣就可以兌換,之後先再去分行或者透過外幣ATM拎返現金。呢個做法個價相對會靚啲,不過都要留意返相關戶口有無手續費,否則畀您辛辛苦苦撳到個靚rate,蝕返喺手續費度就唔抵啦!

終極方法一App搞掂

網購時透過Citibank Global Wallet直接用外幣比錢,零手續費又唔駛怕個rate唔靚

想話兌個終極靚仔價都唔係冇法嘅,最緊要係睇您啲外幣想點用,如果您周不時都會喺外國網站購物,咁就一定要學識埋呢個方法:首先用Citi Mobile App嘅銀行成本價換外幣,0%差價換完嘅錢放喺外幣戶口,到網購比錢嘅時候,就可以透過Citibank Global Wallet直接用外幣買嘢,零手續費又唔使食其他支付系統個貴rate,賺盡外匯差價就係咁簡單! 

登入Citi Mobile® App 隨時隨地進行外幣買賣!