請稍等。
理財101

圍爐必讀:解構討論區股市術語



Once upon a time,有隻股份好傳奇地俾一班網民炒起,造成咗一場散戶同沽空機構嘅「戰役」,而家講返起都仲令人津津樂道。事後人人都講「YOLO」,同時間「meme股」四起,呢件事亦催生咗好多網絡投資術語,一直影響後世⋯⋯

「meme股」又叫做「迷因股」。當中嘅「meme」並唔係「秘密」咁解!最早嘅定義係由生物學所提出:「在群體中,文化、行為等思想被大量複製、再造嘅情況」。而常見嘅「meme圖」就係一啲二次創作或者模仿嘅圖片同影片,經互聯網廣泛流傳,同生物學所提出嘅一樣,不斷畀俾人二次、三次創作同複製。至於「meme股」,其實係指喺網絡突然一夜爆紅嘅股票。呢啲股喺爆紅前可能一直無人問津,講完個名您都未必知,甚至未必有好實質理據去支持股價。

另外,啲網民仲會用「SS」代表「Short Squeeze」挾淡倉;「YOLO」代表「You only live once」有今生無來世,形容非常進取冒險嘅投資態度;仲有啲網民會用「SH」,即係「Strong Hold」嘅簡寫,表達睇好一隻股票,就算核爆都要持貨。當隻股票急升,網民就會話「Hold to the Moon」,寄望股價升到上月球,即係當事人對持有嘅股票非常樂觀,而且好想表達嗰種興奮嘅心情。

討論區術語

有啲用語可能會睇到您一頭問號,例如「stonk」、「Hodl」,其實即係「stock (股票)」同「hold(持有)」。起初可能因為網民串錯字,但之後俾其他網民們用嚟惡搞,故意串錯,幽佢一默。見到大升大跌嘅股票就叫stonk,見急升股票散水大跌時就會建議「Hodl」,意指大跌都要持有,唔可以離開大隊。見到呢啲建議,大家要記住:認真便輸了!仲有啲奇怪術語可能睇極都唔明,好似「ER」,您又會諗起咩?年紀大啲可能以為係電視劇,年紀細啲就可能會話Er乜嘢?其實「ER」意即「Earnings Report」企業盈利嘅簡寫。

討論區術語博大精深,好多時都只能夠心領神會,不過大家投資前一定要小心考慮風險,唔好盲目相信網上嘅投資意見。而Citi Plus作為您獨有嘅投資Playlist,無論投資港股、美股、A股或者基金組合都可以一app搞掂,買賣前後仲唔使將啲錢轉嚟轉去,夠晒方便!如果有問題,仲可以send message畀Citi Plus投資達人幫手解答,加埋一系列獨家理財攻略*,幫您level up財富同生活!

*Citi Plus理財攻略部分內容會由以下基金公司提供:安本標準投資管理,安聯投資同富蘭克林普頓

立即加入Citi Plus,一齊玩住賺更+多