正所謂「相見好同住難」，情侶平時拍拖幾咁糖黐豆，但講到同居生活就係第二個世界，對情侶絕對係一大考驗！不過咁，只要預早喺呢幾方面達成共識，同居生活自然會順利得多，感情甚至會提昇到另一層次！

平時喺屋企無拘無束生活，之但係決定同居後，就要有心理準備融入對方世界。同居後，可能您會發現對方唔少壞習慣，例如污糟衫周圍放、食完飯唔洗碗、雪櫃經常唔閂門等等；同時大家生活小習慣亦可能會充斥住矛盾，好似一個習慣開住燈瞓覺，一個就一定要全黑先瞓到覺，所以除咗學識包容同接受對方，自己亦要願意為對方作出改變！

由細到大喺屋企做慣少爺同小姐，所有嘢有屋企人執手尾，但同居後自己家務就要自己做。煮飯、洗碗、吸塵、洗衫、倒垃圾等瑣碎家務，同居前要商量好點樣分配，唔好旨意交由其中一方負責，否則每次只係一個人付出，時間耐咗就容易因為雞毛蒜皮事鬧交，因為家務問題影響感情就唔抵了！

情侶同居後有更多時間喺埋一齊，不過唔代表要將全部重心放喺對方身上，每個人都應該要有Me Time，擁有自己朋友圈、個人興趣同私人時間。另外，同居唔等於剝削對方自由，千祈唔好過度窺探對方私隱，靜雞雞Check對方電話行為絕對唔要得，尊重同互信對維繫感情係非常重要！

燈油火蠟、柴米油鹽樣樣都係錢，若然一個大花筒，一個守財奴，理財理念向左走向右走嘅話，同居後一講到錢只會得個嘈字！加上情侶可能視結婚買樓為目標，如果理財消費習慣步伐唔一致，將會拖慢儲錢進度，所以同居前一定要先達成共識，譬如協議將收入分成三份，分別用喺消費、儲錢同投資上面，定好規矩就唔怕使多咗錢，影響儲錢投資大計喇！

同居之後支出固然會比以前多，究竟點樣用錢先至最精明？好多人平日鍾意喺外國網站買衫或者買屋企嘢，呢個時候當然要善用Citibank Global Wallet！只要預先透過手機App以心水靚價唱定外幣，海外網購時用Citi Plus Debit Mastercard®畀錢就可以直接從戶口扣數，無需外幣交易費，咁就可以買得更盡情！平日出街食飯或者買嘢 就可以用Citi Plus 信用卡一邊賺分，一邊完成Citi 利息Booster任務賺息，網購同健身會籍簽賬更有3倍積分，畀您賺到盡！