近排全球股市波動，個別股份價錢好似過山車咁又上又落，一眾股民亦有喺網上討論區熱烈發表意見：有人主張嚴守止蝕，先行套現Hold Cash，保留實力他日再戰；亦有人堅持坐貨「Strong Hold」，深信只要捱得過低位就可以搏反彈，日後股價必定可以凱旋歸來，繼而爆升To The Moon。究竟背後有咩原因驅使佢哋「Strong Hold」，係愛定係責任？即刻為大家講解。

好似深受全球投資者歡迎嘅美股市場，多年嚟曾經出現過大大小小次調整，唔同嘅大小企業，中短期股價都可能非常波動，例如科技巨頭之一蘋果公司（美股代號AAPL），喺2018年就試過幾個月內由高位累跌超過3成至US$37.68；不過隨後開始收復失地坐火箭，2021年股價仲創過歷史新高US$143.16，幾年間大升近4倍*！喺長線投資嘅角度睇，市場調整其實都係預期中會出現嘅情況，只要企業本身財政狀況良好同埋有發展潛力，就算面對短期內嘅市場波動都唔使太過緊張。

不過都要提返大家，並唔係每一隻股票都適合「Strong Hold」，皆因有唔少個別企業喺泡沫爆破之後，股價一直返唔到家鄉，有高位入貨嘅網民更喺討論區表示「山頂好凍」，擔心繼續持貨而股價又無咩起色嘅話，隨時有機會連本金都蝕埋！ 

但係新手咩都唔識，本金少、膽又細，點開始投資好？不妨參考以下幾個小貼士：

• 投資前做足準備：開始投資前，首先要確保自己有足夠嘅流動資金，應付日常生活所需，例如預留至少3-6 個月經常性開支嘅儲備。另一方面，可以考慮每個月出糧後將固定比例嘅金額分配作投資用途，預先做好計劃，避免喺入市後因資金周轉問題而「被迫」套現，打亂部署及錯過買賣時機。
• 分散投資，平衡風險：市場上投資產品五花八門，風險程度及入場費各有不同，大家需要清楚了解自己嘅財政狀況、投資目標同風險承受能力，同時透過不同方法分散投資風險。例如透過月供股票以「平均成本法」降低市場波動帶來嘅風險、買入基金分散投資喺唔同國家或者行業板塊，又或者喺投資股票的同時，考慮將部分資金買入貨幣基金等投資風險較低嘅產品，避免「all in」股市。
• 持續評估及調整投資組合：開始投資後，當然要留意返投資組合嘅表現，例如資產價格、回報率、波動性、與同類產品及相關指數嘅比較、行業及企業前景等，考慮是否需要調整策略。當投資組合表現理想，可以考慮賣出部分資產套現；萬一遇上跌市，就要考慮要止蝕，或者趁低吸納。

Citi Plus創新全數碼理財服務，係您嘅理財好隊友，有一系列簡單易明嘅理財攻略，由淺入深level up您嘅理財知識，就算係新手都可以輕鬆上手！睇完攻略，仲有低門檻嘅投資產品畀您實踐，例如透過「靈活財庫」，低至HK$1蚊就買到貨幣基金，或者用一杯Happy Hour Drink嘅價錢就可以買到專家推薦嘅基金組合，少少錢就可以開始投資！無論有咩問題，Citi Plus嘅投資達人都會stand by同您即時解答，啱晒新手踏出投資第一步！

*參考2018年12月21日至2021年1月26日股票價格，資料來源自蘋果官網