近年個個都講美股，有人收獲豐富，又有人而家先想入場。市場累積咗一定嘅升幅，一眾新手巴打絲打而家入場難免戰戰兢兢，又怕高追又驚揀錯股。唔想晚晚無覺好瞓？不如試吓入手美股ETF，分散投資風險。

以為買ETF好悶？其實美國上市嘅ETF其實有好多選擇，多到您買唔晒！穩陣派嘅，可以揀傳統ETF，追蹤指數或者行業，例如標普500指數，或者基因科技、FinTech、新能源呢類熱門行業。受唔起刺激、想降低波動性嘅，有專買大型股嘅ETF；相信有Risk先有機嘅，可以專攻中小型股；想再Aggressive啲以小搏大嘅，有槓桿ETF；就連包拗頸、想同成個市場對抗嘅，買反向ETF都仲得。

除咗比較大路嘅選擇，美股ETF仲有好多另類投資主題。例如疫情催生咗宅經濟，有ETF就專門投資在家工作、在家娛樂相關嘅公司；鍾意開盲盒嘅，都有專門投資SPAC嘅 ETF；仲有投資新上市公司嘅IPO ETF、寵物ETF、電競ETF，連專門投資part-time 經濟嘅ETF都有。若然對某種投資主題有興趣，不妨考慮入手一籃子相關股票。

美股ETF嘅宇宙實在有太多選擇，可以喺您嘅投資組合中扮演唔同角色。更重要嘅係，由於美股市場龐大，ETF嘅規模同流動性亦比較高，管理費相對比較低。雖然個名叫基金，但入場門檻同個股相若，買賣方式亦都同個股一樣咁簡單。風險平衡啲，選擇又多啲，啱晒而家先想入場玩嘅美股新手啦！不過投資始終涉及風險，入市前記得做功課，了解清楚ETF嘅類型同成分股呀!

Citi Plus作為您獨有嘅投資Playlist，無論投資港股、美股、A股或者基金組合都可以一app搞掂，買賣前後仲唔使將啲錢轉嚟轉去，夠晒方便！如果有問題，仲可以send message畀Citi Plus投資達人幫手解答，加埋一系列獨家理財攻略*，幫您level up財富同生活！

*Citi Plus理財攻略部分內容會由以下基金公司提供：安本標準投資管理，安聯投資同富蘭克林普頓