「理財好似好複雜，唔識點樣開始喎？」

「我又唔係搵好多，仲邊有錢剩啫？」

「我好細個咋喎，不如遲啲先學啦？」

聽到「理財」就耍手擰頭嘅人，佢哋都有一個共通點，認為理財同自己大纜都扯唔埋，咁樣諗就大錯特錯喇！理財其實同您嘅生活嘅息息相關，透過了解個人收入同支出，分析財務狀況，再作出計劃同部署，以達到收支平衡、財富增值嘅目標。所以理財並無年齡背景之分，就算係新手BB班，只要學識以下4個理財入門關鍵字，就可以開始踏出理財第一步，為未來做好準備！

雖然有錢唔一定係萬能，不過日常生活中好多細節都會同「錢」有關，無論您想換部新手機，定係想開始計劃人生大事，講到尾都需要有足夠資金先會成事，所以儲錢真係相當重要！坊間流行採用50/30/20分配法則，意思係將人工分成三份：50%為必要支出，維持生活所需；30%作為非必要支出，提高生活質素，例如透過shopping或者食餐好嚟獎勵自己；最後20%就會成為儲蓄，應付日後不時之需，或者投資增值財富。

想投資增值，最常接觸到嘅投資工具就係股票市場。只要買入企業為集資而發行嘅證券，就可以成為股東，有機會由股息同股價升幅中賺錢，不過要承受企業嘅經營風險。如果想先小試牛刀，不妨考慮月供股票，唔怕錯過大升市，又可以降低平均成本！

如果自問對投資無咩經驗，又唔想承受太高風險，投資基金亦係一個唔錯選擇！除咗有基金經理幫手制定投資投資策略組合，加上基金由一籃子股票、債券或其他資産組成，範圍涵蓋唔同資產、區域同行業，可以避免資產過份集中，充分發揮分散投資風險作用！

每個月供嘅強積金數額唔係特別大，好多人都不屑理會。但係如果認真看待嘅話，退休時隨時已經翻滾存到幾百萬！所以每次轉工後，記得將所有強積金戶口合併，方便自己一次過管理；仲有經常留意市場動向，同埋按照個人理財目標，適時改變強積金投資組合！

掌握到基本理財概念後，係時候開始進行實戰！唔使擔心，Citi Plus會成為您嘅理財好隊友，除咗有一系列簡單易明嘅理財攻略*，由淺入深level up您嘅理財知識，仲有各種低門檻嘅投資產品畀您實踐，例如透過「靈活財庫」，低至HK$1蚊就買到貨幣基金，或者用一杯Happy Hour Drink嘅價錢就可以買到專家推薦嘅基金組合，少少錢就可以開始投資！無論有咩問題，Citi Plus嘅投資達人都會stand by同您即時解答，啱晒新手踏出投資第一步！

*Citi Plus理財攻略部分內容會由以下基金公司提供：安本標準投資管理，安聯投資同富蘭克林普頓