理財這回事：人生轉捩點

做藝人收入唔係咁穩定，當年我由加拿大返香港入行，最艱難嘅時候，試過半年只係得$4000收入，唯有寄住喺舅父屋企慳返住宿費。以前我一直以為「理財」係有錢人嘅玩意，加上本身性格隨遇而安，所以每個月真係賺幾多使幾多，仲試過唔小心使大咗。嗰陣本來預10萬可以用半年，點知我第1個月已經用咗4萬，第3個月就已經使晒。啲錢去晒邊？用嚟出街食飯同買模型，因為真係完全無planning！嗰次之後，我先知道乜嘢係係量入為出，使錢前唔該停一停，諗一諗。

我嘅理財轉捩點，就係識咗我老婆 – Leanne。當時 Leanne 身兼模特兒、演員同埋金融投資顧問。佢同我講，唔介意我有冇錢，安全感唔係嚟自花唔花心，而係有冇將來。當時我已經視 Leanne 為結婚對象，想組織家庭，諗到有小朋友要供書教學，要擔起成頭家之後，我對理財嘅睇法就改變咗好多。而家我嘅財政大權都交畀老婆，好慶幸有佢做我嘅理財神隊友，佢除咗幫我投資，亦會教我正確嘅理財觀念。

大家要記住「理財」呢兩個字，真係要去「理」吓自己啲財去咗邊，千其唔好「使咗先算」，無論儲錢同使錢都要有計劃同目標。當你慢慢對財富有概念之後，就可以學投資目光要遠啲，放眼將來，投資會令將來有更多選擇，面對突如其來嘅事都可以幾手準備。

理財智慧當然越多越好，Citi Plus有一系列理財攻略同小貼士，可以由淺入深level up您嘅理財知識！無論想儲錢計劃人生大事﹑想搵多啲奶粉錢畀小朋友﹑或者想屋企人過得舒服啲，只要set好目標，Citi Plus就會好似personal trainer咁一步一步guide住您實踐！嚟緊仲會有更多生動有趣嘅文章，記得keep 住入嚟睇，一齊chill住學，玩住賺更+多！